नेपाल सरकारका जिल्ला स्थित कार्यालयहरुलाई रकम निकासा दिने, आन्तरिक लेखापरीक्षण गरी प्रतिवेदन उपलब्ध गराउने र विनियोजन, राजश्व तथा धरौटीको एकिकृत विवरण तयार गरी महालेखा नियन्त्रक कार्यालयमा पेश गर्ने लगायतका कार्य सम्पादनका लागि आय व्यय संचालन कार्यविधि नियमावली, २०३८ बमोजिम वि.सं.२०३८ साल श्रावण १ गते देखि महालेखा नियन्त्रक कार्यालयको प्रतिनिधिको रुपमा जिल्लास्तरमा कोष तथा लेखा नियन्त्रक कार्यालयहरुको स्थापना हुने क्रममा कोष तथा लेखा नियन्त्रक कार्यालय, हुम्ला वि.स.२०३९ सालमा स्थापना भएको हो ।चौमासिक निकासा, मासिक सोधभर्ना निकासा लगायतका पद्धतिबाट बजेट निकासाको कार्य हुँदै आएकोमा सूचना प्रविधिमा भएको विकासलाई आत्मसात गर्दै सरकारको वित्तीय एवं खर्च एवं नगद व्यवस्थापनको कार्यलाई Real time मा आधारित, मितव्यायी, पारदर्शी र प्रभावकारी तुल्याइ वित्तीय जोखिम न्यून गर्दै सरकारको कोष प्रणालीलाई अन्तराष्ट्रियस्तरको बनाउने उद्देश्यले २०६७ श्रावण १ गते देखि इन्टरनेट प्रणालीमा आधारित एकल खाता कोष प्रणाली (Treasury Single Account-TSA) लागू भएपछि सोहि अनुसार यस कार्यालयले पनि संघ प्रदेश र स्थानीय सकारका निकाय हरुलाइ निकासा आन्तरिक लेखापरीक्षण साथै जिल्लाको एकिकृत वितिय प्रतिवेदन तयार गरी महालेखा नियन्त्रक कार्यालयमा पेश गर्ने कार्य गरिरहेको छ ।

थप पढ्नुहोस्